Dünyanın hər yerində insanlara humanitar yardım göstərən Hollivud ulduzu Ancelina Coli zorakılıqdan əziyyət çəkən qadınlara dəstək olmaq üçün açdığı xeyriyyə fondunu bağlayıb. Mtv.az xəbər verir ki, buna səbəb isə aktrisanın yaşadığı maliyyə çətinlikləri olub. Hazırda fondun hesabında cəmi 53 min funt sterlinq qalıb. Bundan əlavə, şirkətin kreditorlara daha 1,5 min funt sterlinq borcu var. Xatırladaq ki, Coli təşkilatı 2015-ci ildə Britaniyanın keçmiş xarici işlər naziri Uilyam Heyq ilə birlikdə yaratmışdı. Aktrisa xeyriyyə fonduna təxminən 1,7 milyon funt sterlinq sərmayə qoymuşdu.