Türkiyəli aktrisa Tuvana Türkay sevgilisi İzzet Antebi ilə birgə sahibləndiyi Yogi adlı itə görə İstanbul Boğazına atlamalı olub. Mtv.az xəbər verir ki, balaca itin eyvanda oynayandan 2 dəqiqə sonra səsinin gəlmədiyinin fərqinə varan aktrisa onun ardınca gedib. Dənizə açılan qapının da aralı olduğunu görən Tuvana itin dənizdə yavaş-yavaş ondan uzaqlaşdığını görüb. Bundan sonra sahilə nərdivan tapmaqda çətinlik çəkən aktrisa 10 dəqiqə suda qalmalı olub. Hadisədən sonra hər ikisinin yaxşı olduğunu deyən Tuvana bildirib ki, əgər fərqinə vaxtında varmasam vicdan əzabından ölərdim. Xatırladaq ki, aktrisa sonuncu dəfə "Çember" serialında rol alıb.