"Qız atası” serialının baş rol ifaçısı Teymur Məmmədov MUZ TV Azəbaycan kanalına özəl açıqlama verib.

Muztv.az xəbər verir ki, T. Məmmədov hazırda Şuşa Dövlət Musiqili Dram teatrında fəaliyyət göstərdiyini söyləyib:

“Savalan teatrında yerləşdirilmişdik. Hazırda təmirdədir. Ümid edirik ki, Şuşaya geri qayıdana kimi, orada fəaliyyət göstərəcəyik. Bu il milli teatrımızın da 145 taşı tamam olacaq”.

Aktyor 2018-ci ildən gözləntilərinin çox olduğunu dilə gətirib:

“Fəxri adlar, mükafatlar, yeni tamaşalar, binamızın tezliklə təmir olunması - bu ildən gözləntilərim bunlardır”.

Aktyor canlandırdığı obrazlara fərq qoymadığını, hər birini sevə-sevə oynadığını söyləyib:

“Əməkdar Artist Loğman Kərimov bizim baş rejissorumuzdur. Bəzən elə rollar verir ki, düşünürük öhdəsindən gələ bilməyəcəyik. Canla-başla məşqlərdə iştirak edirik. Əziyyət çəkirik, qışda soyuq, yayda isti, amma tamaşaçıya yaxşı iş təqdim edirik. Obrazlara fərq qoyumuram, böyül işlər də görməmişik”.

Bununla bağlı süjetə yanvarın 12-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva