Müğənni Roza Zərgərli MUZ TV Azərbaycan kanalına yeni işləri barədə açıqlama verib.

Muztv.az xəbər verir ki, ifaçı ötən ildəki fəaliyyətindən və bəhrəsindən razı qaldığını dilə gətirib:

“İki klip, beş yeni mahnım işıq üzü gördü. Ölkə hüdudlarından kənarda konsertlərə star verdik. İlk olaraq Qazaxıstanda anşlaqla keçən konsertə imza atdıq. Bizi dinləməyə yalnız azərbaycanlılar gəlməmişdi, bu, sevindirici haldır”.

Müğənni daha dörd şəhərdə də konsert proqramı ilə çıxış edəcəyini deyib.

Roza Zərgərli fevralda iki klipini təqdim edəcəyini və bu il konsert proqramı ilə də çıxış etməyi planlaşdırdığını söyləyib:

“Mehman Tağıyev ilə ifa etdiyim “Leyli və Məcnun” mahnısına klip çəkiləcək. Xanım İsmayılqızının yazdığı sevgidən bəhs edən bir mahnı var, adı sirr qalsın. Onu da klip ilə birgə izləyicilərin ixtiyarına verəcəyəm. Bu il inşallah mart ilə may ayları arasında solo konsert verməyi planlaşdırıram”.

Bununla bağlı süjetə yanvarın 8-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva