Rusiyalı müğənni Lyubov Uspenskaya qonşusunun itinə hücum etməkdə ittiham olunur. Mtv.az xəbər verir ki, bu barədə “Starhit” məlumat yayıb. Hadisə müğənni qızı Tatyana və köpəyi ilə gəzintidə olarkən baş verib. Üçaylıq fransız buldoqu onların qarşısına çıxıb. Hadisə şahidlərinin sözlərinə görə, Uspenskaya itə hücum edərək onu qovub. O, itin başına xalta ilə vurub. Bundan sonra müğənni qonşusunu təhqir etməyə başlayıb. Uspenskaya buldoqun onu ayağından dişlədiyini və öz itinə də zərər vermək istədiyini söyləyərək özünə haqq qazandırmağa çalışıb. İfaçının zərbələrindəm xəsarət alan heyvanın sahibi artıq vəkilə müraciət edib. O, sənətçini məhkəməyə vermək niyyətindədir.