Bir müddət əvvəl insult diaqnozu ilə xəstəxanaya yerləşdirilən Heyli Biber ürəyindən əməliyyat olunub. Mtv.az xəbər verir ki, müğənni Castin Biberlə ailəli olan model yutub kanalında xəstəliyi ilə bağlı açıqlama yayıb. O bildirib ki, səhər yeməyi zamanı özünü pis hiss edib və xəstəxanaya aparılıb: "Özümdə insultun simptomlarını hiss etdim. Xəstəxanaya apardılar və həkimlər müəyyən etdilər ki, beynimdə kiçik qan laxtası əmələ gəlib. Bu bir qədər oksigen çatışmazlığına səbəb olub. Şübhəsiz ki, həyatımın ən qorxulu anı idi". O əlavə edib ki, həkimlər onda infarkt riskinin artdığını deyiblər: "Həkimlərin fikrincə, bu, mikroinsultun səbəbi ola bilər. Buna görə də əməliyyat olundum. Hazırda hər şey qaydasındadır". Heyli bu çətin vəziyyətdə ailəsinin və əri Castin Biberin ona çox dəstək olduğunu söyləyib.