"Müsbət və mənfi cəhətləri olan insanam. Müğənni həyat yoldaşı olmaq çox çətindir. Qrafikimiz yoxdur, evə nə vaxt necə gələcək, necə gedəcək bəlli deyil".

Mtv.az xəbər verir ki, bu sözləri müğənni Nazim Pişiyari deyib.

Həyat yoldaşından danışan sənətçi ona təşəkkür edib: "31 ildir sənətimi sevərək, insanlığıma hörmət edərək mənə dözmək hər qadının işi deyil. İstəməzdim bunu deyim, amma məcburam. Bəzi həmkarlarımın ailəsi dağılıb. Hamısı qısqanclıq zəminində: həyat yoldaşım filan məclisdədir, klipinə baxanda həzm edə bilmir, qısqanclıq və mübahisə yaşanır. Qalmaqal düşür və ayrılıq qərarı verilir. Həyat yoldaşım bu illəri mənimlə yaşadı, sinə gərdi".