Xəbər verdiyimiz kimi, martın 14-də Los-Ancelesdə "Qremmi 2021" mükafatlandırma mərasimi baş tutub. Mtv.az xəbər verir ki, gecədə "Ən yaxşı R&B ifaçısı" və "Ən yaxşı musiqi videosu" nominasiyasında mükafata layiq görülən müğənni Beyonsun qızı Blu Ayvi də 9 yaşında ilk "Qremmi"sinə sahib olub. Anasının “Brown Skin Girl” mahnısınım müəlliflərindən biri olan Ayvi "Ən yaxşı musiqi videosu" nominasiyasında qalib olub. Mükafat sənətçinin qızına mərasimin gündüz saatlarında keçirilən hissəsində təqdim edilib. Xatırladaq ki, Blu Ayvi, Beyonsun həyat yoldaşı repçi Cey-Z ilə evliliyindən dünyaya gələn qızıdır. Beyonsun hazırda kolleksiyasında 28 "Qremmi" mükafatı var.