Azərbaycan Prodüserlər Gildiyasının İdarə Heyətinin üzvləri müəyyənləşib. Mtv.az xəbər verir ki, üzvlər arasında rəqqasə-aktrisa Oksana Rəsulova da yer alıb. Bu barədə o, özü məlumat yayıb. Oksana bildirib ki, ötən gün iclas keçirilib. İclas zamanı gildiyaya sədr və üzvlər təyin edilib ki, onlardan biri də sənətçi özü olub. Xatırladaq ki, Azərbaycan Prodüserlər Gildiyası 2012-ci ildə 15 dövlət və qeyri-dövlət təşkilatı tərəfindən təsis edilib və ilk sədri Müşfiq Hətəmov olub. Gildiyanın əsas məqsədləri milli kinematoqrafın inkişafına dəstək, onun müasir texnika ilə təmin edilməsi, bu sahədə mütəxəssislərin hazırlanması, televiziya, yayım, kinoteatr, internet şəbəkələri ilə əməkdaşlığın qurulması, milli filmlərin xaricdə nümayişi və satışının təmin edilməsi, ekran əsərlərinin festivallarda iştirakına dəstək, müəlliflik və mülkiyyət hüquqlarının təmin edilməsindən ibarətdir.