Xalq artisti Mələkxanım Əyyubova haqqında film çəkilir. Mtv.az xəbər verir ki, bu barədə xanəndə özü məlumat yayıb. O bildirib ki, ekran işi Şuşada lentə alınır: "1992-ci ilin yanvarında Şuşada konsert proqramı ilə çıxış elədim. Və heç zaman düşünməzdim ki,mən bu konsertdən sonra Şuşaya 30 il həsrət qalacağam. Lakin yuxuma belə gəlməzdi ki, 30 il sonra haqqimda film çəkiləcək və onun ilk görüntüləri Şuşadan başlayacaq. Şükür, bu günümüzə. Allah şəhidlərimizə rəhmət eləsin. Ruhları şad olsun". M.Əyyubova ilə birlikdə Şuşaya bloger qızı Nəzrin Nəcəfova da yollanıb. O, paylaşımında "Uşaqlığımdan bəri hər zaman Şuşanın gözəlliyini, mədəniyyətini, havasını, əzəmətini eşitmişəm. Lakin nə vaxtsa buraya gəlib, bu torpaqları görəcəyimə, havasını udacağıma inana bilməzdim. Çox şükür bu günümüzə. Allah bütün şəhidlərimizə rəhmət etsin. Biz onlar sayəsində bu gün buradayıq. Ruhları daim şad olsun" sözlərini yazıb.