Aşıq Ələsgərin abidəsinin bürüncdən tökülməsi prosesi başa çatıb. Mtv.az xəbər verir ki, bu barədə ARİ nəzdində İstehsalat Yaradıcılıq Kombinatından məlumat verib. Onun sözlərinə görə, 10 gün içərisində abidənin hissələrinin metaldan - tökülməsi prosesi yekunlaşıb: “Bundan sonra isə həmin hissələrin yığılması həyata keçiriləcək. Bu prosesi isə biz, təxminən, sentyabrın sonuna qədər yekunlaşdırmağı planlaşdırmışıq”. Xatırladaq ki, Prezident İlham Əliyevin Sərəncamına əsasən, Mədəniyyət Nazirliyi tərəfindən Aşıq Ələsgərin abidəsinin ucaldılması ilə bağlı müsabiqə keçirilib və heykəltəraş, Xalq rəssamı Natiq Əliyevin təqdim etdiyi eskiz qalib olub. Abidənin memarı Malik Babayevdir. Abidənin Rəşid Behbudov və Bakıxanov küçələrinin kəsişməsində yerləşən parkda ucaldılması nəzərdə tutulur.