Əməkdar artist Lalə Məmmədova izləyicilərinin ona ünvanladığı sualları cavablandırıb. Mtv.az xəbər verir ki, müğənni plastik əməliyyatlarından danışıb. O, estetiklərdən sonra çox dəyişilməsi haqqında yazılanlara belə reaksiya verib: "Daxili və xarici özgüvənim hər zaman olub. Səhnə olmasaydı yəqin ki, bu dəyişimlər də olmayacaqdı. Başqa səbəb yoxdur". Lalə şou-proqramlara getmədiyini deyərək "Artıq son beş ildir ki, restoranlarda keçirilən şou-proqramlardan imtina etmişəm. Yalnız konsertlərdə və toy məclislərində iştirak edirəm" sözlərini söyləyib. Müğənni yeni solo konsertə hazırlaşdığını da əlavə edib.