"Nə qədər ki, dünyamızda yaşayan belə ruhi xəstə, cahil insanlar olacaq və onlar cəzalanmayacaq, bir o qədər bizi çox bəlalar gözləyəcək!" Mtv.az xəbər verir ki, bu sözləri müğənni Zamiq Hüseynov işgəncə verilərək öldürülən pişiyin fotosunu paylaşaraq yazıb. "Ay ruhi xəstə insan, bu da bir canlıdır, onun da bir balası var. Sən bu cəmiyyətə, öz ailənə necə örnək olacaqsan? Sənin övladın böyüyüb nə olacaq? Sənin bu cəmiyyətə nə faydan olacaq?",- ifaçı bildirib. Xatırladaq ki, bir müddətdir sosial şəbəkə seqmentində paylaşılaraq insanların qınaq obyektivinə çevrilən görüntülərə Xalq artisti Aygün Kazımova da münasibət bildirib. O, lazımi qurumların məsələyə baxaraq bunu törədən şəxsin cəzalandırılacağına ümid etdiyini bildirmişdi.