Berlin Film Festivalı Rusiyanın rəsmi nümayəndə heyətinin tədbirdə iştirakına qadağa qoyub. Mtv.az xəbər verir ki, qurumdan yayımlanan məlumata görə, Rusiyadan olan nümayəndələr və Ukraynaya qarşı yönəlmiş hətbi əməliyyatları dəstəkləyənlər gecəyə buraxılmayacaq. Bu qadağa Rusiyanın Ukraynaya qarşı təcavüzü dayanana qədər davam edəcək. Bununla yanaşı festival nümayəndələri bildiriblər ki, Rusiyadan olan rejissorları boykot etməyə qarşıdırlar. Bu səbəbdən Rusiya kinosunun ayrı-ayrı nümayəndələri tədbirə qatıla biləcək: “İncəsənət və mədəniyyət demokratik cəmiyyətin əsas elementləridir. Film festivalları ölkədən asılı olmayaraq, dünyanın hər yerindən olan sənətçilərin öz işlərini nümayiş etdirə və dialoq apara biləcəyi yerdir”.