Bob Dilana məxsus sənədlər hərraca çıxarıldı
Serialın aktrisası mükafat aldı - foto
Müğənni aktrisadan ayrıldı
Muazzez Ersoy üsyan etdi - foto

Facebook instagram Twitter Youtube
ARTNEWS

Musiqili Teatr “Əsgərə məktub” layihəsinə qoşuldu

28-10-2020


Azərbaycan Dövlət Akademik Musiqili Teatrı “Əsgərə məktub” layihəsinə qoşulub. Teatrın rəhbər heyəti başda olmaqla, qurumun əməkdaşları Azərbaycan Silahlı Qüvvələrinin Qarabağın azadlığı uğrunda apardıqları mübarizədə ordumuzun döyüş əzminin daha da artırılması məqsədilə təşkil olunan bu kampaniyada fəal iştirak edirlər.

Əməkdaşlarımız böyük ruh yüksəkliyi və həvəslə yazdıqları hər bir məktubda Müzəffər Ali Baş Komandan, Prezident İlham Əliyevə və rəşadətli Ordumuza güvəndiklərini bildirirlər. Hər kəs öz hisslərini, sevgi və sayğılarını bir cür ifadə etməyə çalışıb. Hətta aktyorlardan bəziləri baməzə yumorlar, başlarına gələn maraqlı əhvalatları da məktublarda qeyd ediblər ki, əsgərlərimizin xoş ovqatını daha da artırsınlar.

Mtv.az xəbər verir ki, bu sözləri teatrın direktoru, Əməkdar incəsənət xadimi Əliqismət Lalayev deyib.

O bildirib ki, “Əsgərə məktub” layihəsi teatrda böyük coşqu ilə qarşılanıb və uğurla davam etdirilir: “Mən özüm də əsgərə məktub yazdım və ona inamımı, onunla şərəf və qürur duyduğunu bildirdim. Qeyd edim ki, bundan öncə də teatr kollektivi Ordumuza dəstək məqsədilə Silahlı Qüvvələrə Yardım Fonduna 15 min manat məbləğində pul vəsaiti ianə edib və könüllü olaraq göstərdikləri bu yardımı yenə də davam etdirirlər. Qarabağ Azərbaycandır! Yaşasın qüdrətli Ordumuz! Tanrı əsgərlərimizi və Müzəffər Ali Baş Komandanımızı qorusun! Musiqili Teatrın kollektivi Ali Baş Komandana inanır, əsgərlərimizlə qurur duyur. Qələbə günü uzaqda deyil!”
 

51 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti