Günel ailə qurmamağının səbəbini açıqladı
Hollivud ulduzu istirahətini övladları ilə keçirdi - foto 
Firuzə İbadova xatirələrini bölüşdü
Kərim saatının və papağının qiymətini açıqladı 

Facebook instagram Twitter Youtube
ARTNEWS

Müslüm Maqomayevin 75 illiyi Özbəkistanda

06-12-2017


Özbəkistan Dövlət Konservatoriyasında görkəmli müğənni, Azərbaycanın və SSRİ-nin Xalq Artisti Müslüm Maqomayevin anadan olmasının 75 illiyi münasibətilə “Məni xatırla” adlı yaradıcılıq gecəsi və konsert keçirilib.

Muztv.az Azərtac-a istinadən xəbər verir ki, Özbəkistandakı Rusiya Elm və Mədəniyyət Mərkəzinin dəstəyi ilə keçirilən tədbirdə mədəniyyət və incəsənət xadimləri, müslümsevərlər, konservatoriyanın professor-müəllim heyəti, tələbələr, jurnalistlər iştirak ediblər.

Tədbirdə Azərbaycanın Özbəkistandakı səfiri Hüseyn Quliyev, böyük müğənni Müslüm Maqomayevin həyatı və yaradıcılığı haqqında söhbət açıb, onun xatirəsinin ürəklərdə yaşadığını bildirib. Çıxış edənlər Müslüm Maqomayevin dünya musiqi mədəniyyətinin inkişafındakı böyük xidmətlərindən danışıblar.

Konsert proqramında Özbəkistanın Əməkdar Artisti Janisbek Piyazov, Əlişir Nəvai adına Özbəkistan Opera və Balet Teatrının solisti Kirill Borçaninov, Tatarıstan və Başqırdıstanın Əməkdar Artisti Firuza Xaldarova Müslüm Maqomayevin repertuarından olan ölməz mahnıları ifa ediblər.

105 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
22 Noyabr


21 Noyabr