Mayın 25-də Bakıda Litvanın dünya şöhrətli rəssamı Yedit Sxoçkitenin əsərlərindən ibarət “Muza” adlı sərgi açılacaq.

Muztv.az Azərtac-a istinadən xəbər verir ki, “Art Tover” qalereyasında təşkil ediləcək sərgi “İçərişəhər” Dövlət Tarix-Memarlıq Qoruğu İdarəsi, “Arts Council Azerbaijan” təşkilatı və Mədəniyyət və Turizm Nazirliyinin təşkilatçılığı ilə gerçəkləşəcək.

"Arts Council Azerbaijan” təşkilatının rəhbəri Dadaş Məmmədov bildirib ki, rəssamın əsərləri dəqiq cizgiləri, aydın fonu, eskiz və parlaq ifadəlilik xüsusiyyətləri ilə seçilir.

Qeyd edək ki, müxtəlif mövzulu sənət əsərlərinin yer alacağı sərgi iyunun 8-dək davam edəcək.